Mikudagin 28. september 2022 gav Jákup Pauli Johansen blóð fyri 100. ferð. Felagið Blóðgevi ynskir Jákupi Paula hjartaliga til lukku.
Claus Reistrup, formaður í Felagnum Blóðgevi, handaði Jákupi Paula Johansen gávu, nú hann hevði givið blóð 100 ferðir. Eitt lítið hátíðarhald var í blóðbankanum á Landssjúkrahúsinum í hesum sambandi.
Jákup Pauli fekk blómur umframt pelikan úr glasi, sum Mikkalina Norðberg hevði gjørt. Pelikanurin er altjóða súmbol, ið verður brúkt av øllum heimsins blóðgevafelagnum.
Fríggjadagin 10. juni 2022 var ein lítil samkoma á Suðuroyar Sjúkrahúsi, har Mikkjal Bærentsen fekk handað gávu, tí hann hevði givið blóð 75 ferðir.
Við til handanina vóru Sára E. Augustinussen, leiðandi bioanalytikari á rannsóknarstovuni á Suðuroyar Sjúkrahúsi, Joan Petersen, næstforkvinna í Felagnum Blóðgeva og Gunnbjørg Guttesen, varastjóri á Sjúkrahúsverki Føroya.
Nevndin í Felagnum Blóðgevi takkar Mikkjali.
Aðalfundur var í Felagnum Blóðgeva, mikudagin 20. apríl 2022 í hølinum hjá Undirvísingarstýrinum á Hoyvíksvegi í Havn.
Allir 3 nevndarlimir, sum stóðu fyri vali, vóru afturvaldir. Teir vóru: Tóra Holm Jacobsen, Vilhelm í Skálanum og Claus Reistrup. Umframt hesi sita Øssur Sverrason Egholm og Joan Petersen í nevndini. Nevndin skipaði seg á sama hátt sum áður, við Claus sum formanni, Joan, sum næstforkvinnu og Øssuri sum kassameistara.
Les formansfrágreiðing her
Les fundarfrásøgn her
Á aðalfundinum hjá Felagnum Blógeva 20. apríl 2022 heiðraði felagið Tórfinni Højgaard, Petur Magnusi Bjarnastein og Rúna Leitistein fyri at hava givið blóð 75 ferðir í part.
Teir tríggir fingu blómur, gávu og eina hjartans tøkk frá felagnum.
At vera blóðgevi bjargar lív, og trúgvu blóðgevarnir eru tí lívsneyðugir.
Mikudagin 15. september 2021 hevur Mortan Simonsen verið í Blóðbankanum á Landssjúkrahúsinum og givið blóð fyri 100. ferð. Hetta er triðju ferð í Føroya søgu, at blóðgevi hevur givið blóð 100 ferðir.
Mortan greiðir frá, at tað var ein gamal starvsfelagi, sum gav honum íblástur til at melda seg sum blóðgeva. Og so fekk man eina øl aftaná, sigur Mortan flennandi. Mitt í 80 unum var tað vanligt, at blóðgevar fingu sær eina øl eftir blóðgávu.
Mortan minnist, at tað …