Spurnablað

Hesir spurningar finnast á spurnablaði, tú fyllir út og undirskrivar í sambandi við fyrstu vitjanina í blóðbankanum:

Hevur tú nakrantíð:

• Verið álvarsliga sjúk/ur ella fingið skurðviðgerð?

• Havt álvarsamar smittandi sjúkur?

• Havt ovurviðkvæmi (allergi) (t.d. astma, hoyfepur, mat, heilivágsviðkvæmi)?

• Havt ov høgt ella ov lágt blóðtrýst?

• Havt blóðtrot?

• Havt svímilsisherðindi?

• Havt trupulleika við hjarta ella blóðrensli?

• Havt nýrasjúku?

• Havt krampar (epilepsi) sum vaksin?

• Havt sukursjúku?

• Havt krabbamein?

• Havt aðrar óvanligar sjúkur?

• Verið í viðgerð við vakstrarhormonum?

• Havt kynsligt samband við annan mann (bert svarast av monnum)?

• Verið prostituerað/ur?

Sniffað kokain, sproytað teg við ella roykt rúsandi evni?

 

Hevur tú 6 teir seinastu mánaðirnar:

• Verið sjúk/ur ella verið í læknaviðgerð?

Havt fepur í longri tíð?

• Lætnað/ur uttan orsøk?

• Havt kynsligt samband við:

– biseksuellan mann?

– prostitueraðan í Føroyum ella uttanlands?

– persón úr Afrika, Asia, Suður- ella Miðamerika?

– um ja – Veitst tú, um eitt negativt HIV ella Hepatitis B úrslit finst?

– hvar/nær er royndin gjørd? Hvar:________  Nær:________

– persón, ið er HIV positivur?

– stikknarkoman?

– persón, ið hevur fingið viðgerð fyri bløðarasjúku?

• Verið við barn (bert svarast av kvinnum)? Um ja, nær aborteraði ella átti tú? ________

• Ferðast aðrastaðni enn í Norðurlondum og Týsklandi? Um ja: Hvar: ______  Nær: ______?

• Fingið blóð?

• Fingið hol ella prýðislutir, fingið akupunktur, vorðin litprikað/ur (tatoverað/ur), fingið gjørt skarifinatión (brennimerking/skav á húðina)?

 

Hevur tú 2 teir seinastu mánaðirnar:

• Tikið heilivág, herímillum heilivág í hondkeypi? Um ja, hvat slag? ____________

• Vorðin koppsett/ur („vaccinerað/ur“)? Um ja, hvat slag? ___________

Aðrar upplýsingar:

• Hevur tú áður verið blóðgevi?

• Vigar tú minni enn 50 kg.?

• Ert tú vitandi um, at onkur av skyldfólkum tínum hevur Creutzfelt-Jacobs sjúkuna?

• Hevur tú fingið transplanterað hornhinnu ella heilahinnu?

• Ert tú fødd/ur ella ert tú uppvaksin í øki, har tað møguliga er malaria?

• Býrt tú saman við nøkrum, ið hevur smittandi gulsótt?

• Hevur tú havt smittandi gulsótt, smittandi livrabruna, malaria ella syfilis?

• Følir tú teg heilt fríska/n?

• Hevur tú lisið og skilt tann nýggjasta faldaran um AIDS og livrabruna?

• Hevur tú verið í vanda fyri at verða smittað/ur av HIV?

• Hevur tú búð í Stóra Bretlandi til samans 12 mánaðir í tíðarskeiðinum millum 1980 og 1996? (Stóri Bretland er: Ongland, Wales, Norðurírland, Skotland, Isle of Man, Kanaloyggjarnar, Gibraltar og Falklandsoyggjarnar)

• Um neyðugt, er tað í lagi, at læknin, sum hoyrir til blóðbankan, kann tilluta sær upplýsingar frá tínum egna lækna/serlækna ella sjúkrahúsi, sum kunnu hava týdning fyri blóðtapping tína og nýtsluna av blóðinum?

Tað er umráðandi, at tú boðar blóðbankanum frá, um tú gerst sjúk/ur, áðrenn 2 dagar eru farnir, eftir at tú hevur givið blóð, ella um nakað er, sum tú hevur gloymt at boða blóðbankanum frá.

Blóðroynd verður tikin, fyrsta ferð tú vitjar í blóðbankanum. Á Landssjúkrahúsinum fer hetta fram í blóðbankanum á G0 gerandisdagar millum 8:00 og 14:30.